హృదయం లోకి తొంగి చూడటం లేదు
హృదయం చెప్పేది ఆలకించటం లేదు
ఒకే ఒక క్షణం గమనం తో కన్ను మూసినా
హృదయ వాణి వినిపిస్తుంది ఇదే నీ మార్గమని
ఆ నిశబ్ధం చెప్తుంది నీ ఈ భాషను అలవర్చుకోమని
ఆ అనుభూతి అంటుంది ఇంతకు మించిన ఆనందం మరెక్కడా లేదని
ఆ మత్తు మొర పెడుతుంది ఇంతకు మించిన సౌఖ్యం మరెక్కడా లేదని
అందుకే నేను నిద్రకు తప్ప కళ్ళు వాల్చను
నా చుట్టూ జరిగే విన్యాసాలనే వీక్షిస్తా
నా చెవిలో పడే రణ గణ ధ్వనులనే వింటా
నా ఈ ప్రపంచపు వింత లనే అశ్వాదిస్తా
ఆశ పడతా కలలుకంటా ఆశయాలు ఏర్పరచుకుంటా
అవి నెరవేరేందుకు పావులు కదుపుతా
ఈ నా ప్రపంచపు మాయలో పడి
ఇదే అసలని ఇదే నిజమని ఇదే శాశ్వతమని
అనుకోక పోయినా ఇందులోనే కొట్టుకు పోతున్నా
ఎరుక లేక స్పష్టత లేక ఎటు పొతున్నదీ నావ
No comments:
Post a Comment